Një person ka vdekur dje në mëngjes, rreth orës 8:35, në një aksident trafiku që ka ndodhur në Mitrovicë të Jugut, ku kanë qenë të përfshira tre vetura.

Viktima është dërguar në spitalin e Mitrovicës, ku mjeku kompetent ka konstatuar vdekjen e tij, përcjell Arbresh.info.

Sipas njoftimit të policisë, trupi i pajetë është dërguar në Institutin e Mjekësis Ligjore për obduksion.

“Rr. Agim Ramadani, Mitrovicë Jugu 22.08.2023-08:35. Raportohet se ka ndodhur aksident trafiku në mes të tre veturave. Si pasojë një mashkull kosovar ka pësuar lëndime trupore dhe i njëjti është dërguar në Spitalin e Mitrovicës ku mjeku kompetent ka konstatuar vdekjen. Me vendim të prokurorit trupi i pajetë dërgohet në IML për obduksion”,thuhet në raportin e policisë, përcjell Arbresh.info.